SILENCE BETWEEN A SON AND FATHER:

One of the most unspoken and precious relationships is between a father and a son. Fathers are there for us from the moment we are born and in each stage of life childhood, teenage and adulthood, they are always there for us and they never stop providing. They want to give better daily even if they have to sacrifice their requirements and desires without thinking. Many of us can’t understand our fathers because he never shares his emotions, his needs, his requirements, his desires. 

So, I am trying to share my values and views on father with the help of a poem please try to relate this and try to read till the end:

Nanhi si aankhe or muddi hui ungliyaan thi

Ye baat tab ki hai jab duniya mere liye soyi hui thi

Nanhi si aankhe or muddi hui ungliyaan thi

Ye baat tab ki hai jab duniya mere liye soyi hui thi..

Nangese sharir pe naya kapda pehnata tha

Diwali ki samjh nai thi par phir bhi mere saath manata tha

Ghar mai kayi kamiya thi par FD mai paisa jod raha tha

Or uske khud ke sapne adhure the par mere liye bun raha tha…

Ye baat tab ki thi jab duniyan mere liye soyii hui thi

Waqt kata, saal badhaa

Par tab bhi sab aanjan tha

Mai phir bhi uski jaan tha…

Bistar ko geela karna ho ya phir raato ko rona

Ek baap hi thaa jisse chena maine uskaa sona tha

Subha surja ugne tak godoo me khilata, jhule mai hilata

Fir din mai kamata shaam me chala aata

Kabhi khud se pareshaan kabhi duniya ka sataya tha..

Ek baap hi tha jisne mujhe rote hue hasaya tha

Alfazo se to gunga thaa mai par wo mere ishare samajh raha tha…

Mai khud iss baat se hairan hu aaj ki kal wo mujhe kis tarha padh raha tha..

Papa toh chodo yaar abhi aaa bhi niklaa na tha

Par wo meri har farmaishon ko poora kar raha tha..

Or mai bhi uske laad pyaar me ab dhalne laga tha

Ghar se wo nikal na jaye ab uske kadamo pe nazare rakhne laga tha

Or mudde toh hazar the baazar me uske paas

Par kab dhal jayega suraj usko iska intezaar tha..

Or mai bhi darwaaze ki chaukhat ko taakta rahata thaa

Jab hoti thi dastak toh walker se jhakta rahata tha

Dekhke uski shakal mai dur se chilata thaa..

Jo bhi eshare mujhe aate the, use use apane karib bulata tha

Wo bhi chod chad ke sabkuch mujhe seenese lagata tha

Kabhi hawa mai uchalta tha, kabhi kartab dikhata tha

Meri ek Muskaan ke liye kabhi hathi, kabhi ghoda banjata tha

Or soo saku raat bhar sukun ke sath isiliye puri raat ek karvat me guzarta tha

Isiliye puri raat ek karvat me guzarta tha, par wo bachpan ab so chuka tha

Or mai Jawaani ki dehleez me kadam rakhne laga tha

Uski qurbani ko uska farz samajne laga tha

Chaahe wo phir khud bina pankhe ke sona ho, ya mujhe hawa me sulana

Ya Diwali ka wo khud purana kapda pehenna ho or mujhe naya pehnana

Ya tapte hue bukhar me thande mathe pe rakhi hui pattiya ho

Ya meri har zidd ke aage jhuk jana

Wo bachpan tha wo guzar gaya wo Rishta tha wo sukud gaya

Or mai us qurbani ke bojh ko utha nahi paya isiliye, wo sheher mai kahin dur chod aaya

Naya sheher tha, naye sheher ki hawa mujhpe chadhne lagi thi

Apne baap ki har nasihat mujhe ek bachpana lagne lagi thi

Kaam jo mil gaya tha paisa jo aane laga tha

Kya zarurat he baap ko ye soch mujhme palne lagi thi

Or udhar mera baap baichen tha meri yaad me

Ki kuch roz to ghar aajaa beta bus yehi tha uski shikayat me

Or mai usse hissab lene laga tha jo duniya ka karzdaar banchuka tha

Kya zarurat hai papa itne paise ki ab ye sawaal karne laga tha….

Ki kal kya guzri hogi mere baap pe ab mujhe ye samaj aane laga tha

Bina shart mohabbat ki murat hota hai baap

Jo shabdon me na buna jaye or sihayi se na lika jaye wo hota hai baap

Jo rote hue ko hasade or khud ko mitaa kr tumhe khada kar de

Wo hota hai baap

Or yeh message puri duniya ke liye

Ke ek rozz ek rozz tumhe ehsaas zarur hoga ke vyasth tum he, umardaraz wo hoga

ek rozz ek rozz tumhe ehsaas zarur hoga ke vyasth tum the, umardaraz wo hoga

jiski ungli ka sahara pakad ke chala karte the aaj vahi chhadi ka talpgar hoga

jiski chaaya me jee rahe ho ajj kal wo nah rahe toh kya hoga

par abhi waqt bacha hai kuch khaas tumhare paas

tab tak jab tak baap ka saya tumhare sath hoga or Jannat ki iccha rakhte ho toh seene se laga lena

kyuki vahi kal jaanaat ka sardaar hoga

Sab gile shikve mita ke chipak jana usko

Kyuki aaj toh baap he par wo kal tumhare saath na hoga

wo kal tumhare saath na hoga

or isko mai koi naam nahi de paya kyuki mai baap ko ek labs mai bata nahi paya.

-Dhruv Jain